قصه طريفه ومضحكه

من طرف **eminem** الثلاثاء نوفمبر 25, 2008 9:41 am

كان في ولد طفران(ما عنده ولاريال)راح لابوه وقاله:عطني15ربال,,ودي اشتري كوره
الاب:اقول انقلع عني تراها واصله معي
الولد:تكفا يبه,,بس15ريال ولااقول لك خلها 10ريال
الاب:ما عندي فلوس...اذا تبي فلوس رح بع الديك حقك المريض اللي في الحوش..
الولد:بس هذا مريض وما أحد بيشتريه
الاب:ما على منك...دبر نفسك
والله الولد استسلم للأمر الواقع وأخذ الديك
أول واحد قابله اكيد ابوه...قاله الولد:تشتري الديك؟
الاب:اقولع بتنقلع عني ولا اقوم اتوطا في بطنك؟
الولد:خلاص خلاص لاتنفخ

طلع الولد من البيت ومعه الديك في محاوله يائسه ان الديك ينباع عرض الديك
على اهل الحاره كلهم ولا واحد فيهم قبل انه يشتري الديك
قال الولد: ممممممممممم,,والله مالي الى فلانه,,عقلها خفيف وأكيد بقدر ألعب عيها
بسهوله فلانه هذي كانت متزوجه بس للاسف كانت رايحه فيها وتلعب بذيلها من ورى زوجها
راح لها الولد لها عشان يبيع عليها الديك

الولد: تشترين الديك تكفين؟
الحرمه:هلا والله بحبيبي...تعال قرب مني عشان ابوسك بوسه خفيفه
الولد: اقول ماني فاضي لك..خذي مني الديك وخليني اروح
الحرمه: تروح وين ياعمري!!انا ما صدقت اني شفت رجال عدي في البيت...
الولد:ومنهو الي قال لك ان انا رجال؟خذي مني الديك وخليني أنقلع
شوي الا الباب يدق خافة الحرمه وقالت للولد: تعال انثبر هنا في الدولاب
لا يطلع زوجي ثم نروح فيها.
حطت الولد في الولاب وراحت فتحت الباب الاوطلع لها صديقها اللي تخون زوجها
معه...

الحرمه:هلا والله بعمري وحياتي
الرجال: ياهلا فيك عمري...

ما أمدا الرجال يكمل كلمته الا الباب يطق
الحرمه:يا ويلي ويلاه....هذا شكله زوجي........تعال وادخل في الدولاب دخل
خوينا في الدولاب

وفجأة في عز الضلام سمع صوت يكلمه داخل الدولاب ويقوله:تشتري الديك؟
الرجال:صصصصصصصصصصصصص...
رخ صوتك الله يرحم والديك لا تفضحنا
الولد:أقول تشتري الديك؟
الرجال:ياخوي خلاص باشتري الديك بس قصر حسك تكفا...
الولد:طيب
الرجال: بس بكم تبيعه؟
الولد:ب100ريال
الرجال:ايش!!!!!!!!!!هالديك المنتوف المريض ب100ريال
الولد:وش دراك انه منتوف ومريض؟المهم تبي تشتري ولا ارفع صوتي؟
الرجال:لا لا خلاص....... ابشتري وأمري لله

جلسوا 5دقائق
الولد: تبيع الديك؟
الرجال: توك بايعه علي يابن الحلال!!
الولد: تبيعه علي ولا ارفع صوتي؟
الرجال:لا لا خلاص... ابيعه وامري لله...بكم تشتريه؟
الولد: بريال
الرجال: أيش!!!!!!!بريال!!!!!!!!انا مشتريه منك ب100ريال وأنت تشتريه مني بريال!!!!!!!!!!
الولد: تبيعه علي ولا أرفع صوتي؟
الرجال: لا لا خلاص...بيعه وامري لله

جلسوا 5دقائق

الولد: تشتري الديك؟
الرجال: ياخوي توني بايعنه عليك
الولد: تبي تشتري ولا أرفع صوتي؟
الرجال: لا لا خلاص.... أبستري وأمري لله.........بكم تبيعه؟
الولد: ب200ريال
الرجال: الله يمحط بك انشاء لله... توني مشتريه منك ب100ريال!
الولد: تبي تشتري ولا أرفع صوتي.؟
الرجال: لا لا خلاص...أباشتري وامري لله

جلسوا 5دقائق

الولد: تبيع الديك؟
الرجال: انا لله وانا اليه راجعون.... بكم تبي تشتريه؟
الولد: بريال
الرجال: وش تبيني اقول!!تبيني أبكي ولا اشقق هدوميي....يالله خذ الديك وببلاش

بعد أن اخذ الولد الديك شوي الا الحرمة فاتحه عليهم الدولاب وقالت لهم:
يالله بسرعه انحاشو دام ان زوجي في الحمام..بس واحد ورى الثاني ويشويش
عشان لا يحس فيكم زوجي

طلع الرجال وانحاش ولحقه الولد ب5دقائق

المهم............
قام الولد يتمشى في الشارع وهو مستأنس ان معه فلوس....
بعدين راح البيت يوم دخل البيت أبوه قدامه..راح قال لابوه: تشتري الديك؟
الاب؟ناضر فيه والشرار يطلع من عيونه وقاله: ما يكفيك يابن(.؟.؟)ال300ريال.